اسلام آباد: قومی اسمبلی توں "اسلام آباد کیپٹل ٹیریٹری (کتاباں دے پلاسٹک کور تے پابندی) ایکٹ 2026" منظور کر گھدا ڳئے، جیندے توں بعد ہݨ کتاباں تے پلاسٹک کور چڑھاوݨ تے مکمل پابندی ہوسی۔
ایں بل دے اہم نکتے تلے ڈتے ڳئے ہن:
- فروخت تے پابندی: اسلام آباد دی حدود وچ کوئی وی دکاندار یا سیلر پلاسٹک کور آلیاں کتاباں نہ ویچ سڳسی تے نہ ہی تقسیم کر سڳسی۔
- پہلی واری خلاف ورزی: جے کوئی پہلی واری ایں قانون کوں تروڑیسی تاں اوکوں 50 ہزار روپے تک جرمانہ تھی سڳدے۔
- ڈوجھی واری خلاف ورزی: جے کوئی دوبارہ اے غلطی کریسی تاں جرمانے دی رقم ودھا تے ہک لاکھ روپے تک کر ڈتی ویسی۔
- مقصد: ایں قانون دا اصل مقصد سکولاں تے تعلیمی اداریاں وچ کتاباں تے پلاسٹک چڑھاوݨ دے رواج کوں ختم کرݨ اے تاکہ ماحول کوں بہتر بݨایا ونج سڳے۔