اسلام آباد: قومی اسمبلی ولوں انسدادِ پولیو دے حوالے نال ہک نہایت سخت قانون منظور کر گھدا ڳئے، جیندے اہم نکتے تلے ڈتے ڳئے ہن:
- انکار تے بھاری جرمانہ: قطرے پواوݨ توں پہلی واری انکار کرݨ تے 50 ہزار روپے تے ڈوجھی واری انکار تے ہک لاکھ روپے جرمانہ تھیسی۔
- ڈوز لازمی قرار: 10 سال توں گھٹ عمر دے ٻالاں کیتے پولیو دیاں ساریاں خوراکاں (ڈوز) گھنݨ لازمی قرار ڈتیاں ڳئن۔
- سرٹیفکیٹ دی پابندی: نادرا (NADRA) توں پولیو ویکسینیشن سرٹیفکیٹ حاصل کرݨ ہݨ ہر شہری کیتے لازمی ہوسی۔
- سکولاں وچ چیکنگ: سارے تعلیمی ادارے ٻالاں دے داخلے یا پڑھائی دے دوران ماپیاں توں پولیو سرٹیفکیٹ منگ سڳسن۔
- ورکرز دی حفاظت: پولیو ورکرز تے حملہ کرݨ یا انہاں کوں دھمکاوݨ والے کوں 7 سال قید تے وݙے جرمانے دی سزا تھیسی۔
- فول پروف سکیورٹی: حساس تے خطرناک علاقیاں وچ ڈیوٹی کرݨ والیاں پولیو ٹیماں کوں فول پروف سکیورٹی فراہم کیتی ویسی۔