آرٹی فیشل انٹیلی جنس دا استعمال کم کوں تاں سوکھا بݨا ڈیندے، پر اے تہاڈے ذہن کوں سست (کند ذہن) وی بݨا سڳدے، اے دعویٰ ہک نویں بین الاقوامی تحقیق وچ کیتا گئے اے۔
تحقیق دے اہم نکتے:
- سوچݨ دی صلاحیت وچ کمی: کارنیگی میلون، MIT، آکسفورڈ تے کیلیفورنیا یونیورسٹی دی سانجھی تحقیق وچ ڈسایا گئے جو پورے ڈینہہ وچ صرف 10 منٹ اے آئی چیٹ بوٹ استعمال کرݨ نال انسان دے مسئلے حل کرݨ دی صلاحیت تے منفی اثر پوندے۔
- اے آئی دا سہارا: تحقیق وچ شامل لوکاں کوں جڈاں ٹاسک ڈتے گئے تے نال اے آئی دی مدد وی ڈتی گئی، تاں او تیزی نال کم کر گھندے ہن۔ پر جیویں ہی اے آئی دی مدد ختم کیتی گئی، او لوک غلط جواب ڈیوݨ پئے گئے یا ہمت ہار گئے۔
- سیکھݨ وچ رکاوٹ: ماہرین دا آکھݨ اے جو جڈاں اساں اے آئی توں ڈائریکٹ جواب گھندے ہیں، تاں ساڈا ذہن محنت کرݨ چھوڑ ڈیندے، جیندے نال نویاں چیزاں سیکھݨ دی صلاحیت متاثر تھیندی اے۔
ماہرین دا مشورہ:
- پابندی حل کائی نہیں: محققین آکھدے ہن جو اے آئی تے پابندی نہ لائی ونجے کیونکہ اے ہک قیمتی ٹیکنالوجی اے، پر ایندے استعمال وچ احتیاط لازمی اے۔
- استاد وانگ استعمال: اے آئی ٹولز کوں ایجھے طریقے نال بݨاوݨ چاہیدا اے جو او صرف جواب نہ ڈیوݨ بلکہ ہک استاد وانگ تہاڈی رہنمائی کرن تاکہ تساں خود وی سیکھ سڳو۔
- وضاحت کیتے بہتر اے: تحقیق وچ اے وی ڈسایا گئے جو جے تساں اے آئی کوں صرف کہیں چیز دی وضاحت (explanation) کیتے استعمال کریندے ہو، تاں ایندے نال ذہن تے کوئی خاص منفی اثر نی پوندا۔
خلاصہ: اے آئی توں براہِ راست جواب گھنݨ تہاڈے دماغ کوں سست بݨا سڳدے، ایں کیتے اینکوں صرف مدد کیتے ورتݨا چاہیدا اے نہ کہ مکمل طور تے ایندے تے تکیہ کیتا ونجے۔
https://share.google/images/0QlQDv3zF93NfEbEX