سعودی عرب ءچ عمرہ زائرین نال پیش آوݨ والے ہک دردناک ٹریفک حادثے ءچ 7 پاکستانی جاں بحق جِنھّاں وِچوں 6 شدید زخمی تھی ڳئن۔
تفصیلاں دے مطابق،
خیبر پختونخوا دے ضلع بونیر دی تحصیل ڈاگئی طوطالئی نال تعلق رکھݨ والے 13 بندیاں دا ہک قافلہ عمرے دی سعادت حاصل کرݨ دے بعد عرفات توں مدینہ منورہ آلے پاسے ویندا پیا ہا، جو راہ وچ انہاں دی گݙی کوں شدید حادثہ پیش آیا۔
ذرائع دے مطابق،
حادثے دا شکار تھیوݨ والے سارے لوک ہک ہی ٹٻر نال تعلق رکھیندن اتے انہاں دا تعلق عمر باچا دے خاندان نال ݙسایا ڳئے۔
جاں بحق تھیوݨ آلیاں ءچ مرد، تریمتیں اتے معصوم بال وی شامل ہن، جنہاں دے المناک انتقال دی خبر سُݨدیاں ہی آبائی علاقے ءچ کہرام مچ ڳئے اتے پورے علاقے دی فضا سوگوار تھی ڳئی ہے۔
خاندانی ذرائع دا مزید آکھݨ ہے
جو جاں بحق تھیوݨ والے سارے ست زائرین دی نمازِ جنازہ اڄ رات سعودی عرب ءچ ہی ادا کیتی ویسی،
جݙاں جو زخمیاں کوں نیڑے دے اسپتالاں ءچ طبی امداد ݙتی ویندی پئی ہے۔
